آتا-بابا مثللری ( ق ) Q

قلم قیلینج دان ایتی دیر

قلم اَیری کسیل سه ده دوغرو یازار

قلم یازانی قیلینج پوزا بیلمز

قلم یازانی کاغاز اوتار

قلم سؤزدن کسگیندیر

قلم سلطاندیر

قلم توتان ال دامن ده قالماز

قلم فیکرین ترجمانی دیر

قلمین دیلی ایکی اولسادا یازیسی بیردیر

قلمین اوجو، قلینجین گوجو

قارا خبر تئز یاییلار

قارا خبر تئز یئتیشر

قالخدیغین یئره بیرده اوتورما – هر صحبته آتیلما

قانان کیم، قاندیران کیم؟

قانانا ایشاره، قانمایانا کؤتک

قودوران قیرخ گون یاشار

قورو افترادان اؤزونو قورو

قیشین اوغوراوغو یازدا اوزه چیخار

قاضی یه سلام وئردیلر دئدی رشوه دی آلمادی

قارا قیز بزنینجه توی الدن گئر

قاچان قیزدان خانیم!؟

قیزیلدان تختین اولونجا، قیزلیدان بختین اولسون

قیز آلان گؤزو ایله باخماسین، قولاغی ایله ائشیتسین!

قیزین عصمتی، آتانین دؤلتی

قیز آغاجی، قوز آغاجی، سیندیرسان یوخ علاجی

قیز قاپیسی شاه قاپیسی – مینی گلر، بیری راضی گئدر

قیز- قیزیل آلما ، قیزی گؤزدن سالما

قیز قیزیل دی قدرینی بیلسین گره ک

قیزدیر قیزیل پارچاسی، تورپاغا دوشر پاریلدار

قیز دئدی یین آغاجدا کی آلمادی، کیم سالار اودا آپارار

قیز ائولرده تانینار، ایپک دزگاهدا

قیز یوکو، دوز یوکو

قیز کسیلمه میش قارپیزا بنزر

قیز کؤچری قوشدور

قیز اؤزگه یه امانتدیر

قیز اؤزگه چیراغینی یاندیرار

قیز اوز قیزاردار

قیزی اؤز باشینا قویسان، یا مطربه گئر یا زیرناچی یا

قیز آناسیندان قوخماسا اؤیود(نصیحت) گؤتورمز

قیز آنادان اولاندا، گؤزون آچار دئیر: بورا بیزیم ائو دئییل

قیز آناسی ائلچی گؤزلر

قیز ائوینده تویدور، اوغلان ائوینی نین خبری یوخدور

قیزدیر قیزیلدیر، اوغلان نه چوخدور

قیزی آناسی اؤیره در

قیزی وئرمیسین اؤزووه اوغلان قازانمیسان

قیزسیز آنا ، دوزسوز آنا

قیزی ساخلاییب تورشو تؤکمه یه جکسن کی!

قیزلیغی نه ایدی که گلین لی یی نه اولسون

قونشو قیزی گؤیچک اولار

قارادیشیق جیبیمیز آیری

قارداشلیق زر دئمکدیر، خریداری گره ک دیر

قوجا آیری ، قوجامان آیری

قوجا ائوین ستونو دور

قوجا اؤکوزو اؤلدورمک اولار، اؤرتمک اولماز

قوجا طاماحکار اولار

قوجا تولکو تله دن قورخماز

قوجادان دئمک، جواندان کؤمک

قوجا تله سر آمروت واختیندا یئتیشر

قوجا تولکو تورا دوشمز

قوجایا یئمک، جوانا یئدیدتمک

قوجایا گولر اوزونن گولرلر

قوجالیق بیر کؤینک دیر، چالیش اَینینه گئیمه – ائله کی گئدین چخارا بیلمه سن!

قوجالیق گلدی گئتمزدی، جوانلیق گئتدی گلمزدی

قوجالماسان قوجالیق دردین بیلمزسن

قوجانین بیلگی، جوانین بیله گی

قوجانین گؤزو قازانین دیبینده اولار

قوجانین بیر الی آلماقدا، بیر الی یئمکده

قیلینج آچمایان یئری پول آچار

قوش قانادی ایله تانینار، اینسان آدی ایله

قیلینج باغلایانین دیر، آت مینه نین

قیلنج اؤز غینینی کسمز

قیلنج یاراسی گئدر، دیل یاراسی گئتمز

قیلینجی نین دالیدا کسیر، قاباغیدا

قیلینجلا اویون اولماز

قیلینج کسمه ینی چؤره ک کسر

قیلینجی بؤرج وئرمزلر

قوناق برکت گتیره ر

قوناق بیر گون اولار

قوناق ائو ایه سی نین دوه سی دی

قوناق قوناغی ایسته مز، ائو اییه سی هئچ بیرین

قوناق ائوه گیرینجه اوتانار، ائو اییه سی سونرا

قوناق سئوه نین سفره سی بوش اولماز

قوناق سفره نین یاراشیغی دیر

قوناق ائوین گولودور

قوناق حیاسیز اولسا، ائو اییه سینی ائودن قووار

قوناق اومودوغونو یوخ، اولدوغونو یئیه ر

قوناغادا قوربان اولوم ، گلدی یی یوللارادا

قوناغا گئت دئمزلر، باشماغینی جوتلرلر

قوناغا گؤره سفره آچارلار

قوناغی قونشویا تانیتدیرسان، هر ایکی سیندن محروم اولارسان

قوناغی خان اولانین، آنباریندا آرپا قالماز

قوناغین روزوسو اؤزوندن قاباق گلر

قوناقسیز ائو، سوسوز دَییرمان

قونشو قونشو اولسا، کور قیز اَره گئدر

قونشو ایتی قونشویا هورمز

قونشو مینجیغینی گؤتورن، گوروندا تاخار

قونشو اودوندان چیراق یانماز

قونشو پایی قارین دویورماز

قونشو پاخیل اولسا، باخ چئری نئیلر

قونشو تویوغو قونشویا غاز گؤرونر

قونشو یراغی قونشویا ایشیق سالماز

قونشو چؤره یی قونشویا بورجدور

قونشودا پیشر، بیزده دوشر

قونشویا اومود اولان شامسیز قالار

قونشو قیزی ایدیم، ایندی اولدوم ائو قیزی ائو گلینی

قوهومون کیمدیر؟ یاخشی قونشوم!

قان ائیله قانون ایله

قان قان دئییری

قانی قان ایله یومازلار

قانلی دان قادا اَسکیک اولماز

قانلینی قان توتار

قارداش قانی قارداشدان آلینماز

قاشینمایان یئردن قان چیخاردیر

قورخ پاییزدان قاباغیجان قیش گلیر- قورخما قیشدان قاباغیجان یاز گلیر

قورخا-قورخا بهشته گئدینجه، گوله-گوله جهنمه گئت

قورخا-قورخا اؤلمکدن، قیزارا-قیزارا اؤلمک یاخشی دیر

قورخاق قاچار های گلمه میشريال چیرمالانار چای گلمه میش

قورخاق ایگیدلیکدن دانیشار

قورخاق گونده یوز یول اؤلر – ایگید عؤمرونده بیر یول

قورخاق هر شئی دؤرد گؤره ر

قورخان گؤزه چؤپ گیره ر

قورخورسان پیشیکدن، نئیه چیخیرسان دئشیکدن

قاچان قاچدی، دارداکینی دؤیرلر

قولو باغلی اولانی هر کس دؤیر

قورخاق اؤز کؤلگه سیندن ده قورخار

قوتور قویوندان بیر چنگه یون ده غنیمت دیر

قارا گونون آ؛ گونوده واردیر

قارا بولوت یاغیش یاغدیرار

قارا پولو قارا گونه ساخلایارلار

قارا صابون، دلی یه اؤیود نئیله سین؟

قاراجا اوزوم وار، دوغروجا سؤزوم

قارا گون قارالیب قالماز

قارا سنی باسینجا سن قرانی باس

قارادان قاش اولماز، اؤزگه دن سیرداش

قارادان اویانا رنگ یوخدور

قایدادان چیخان پشیمان اولار

قاچانی قوومازلار

قالان ایشه قار یاغار

قاچان سوروشر

قاچاندا الله هی چاغیریر، قوواندا

قاچان جانین قورتارار، توتولان آمان دئیر

قاچماقدا ایگیدلیکدن دیر

قووانین گوجو وارسا، قاچانین دا الله هی وار

قورو آغاجی اودونلوغا کسرلر

قورو قاشیق آغیز ییرتار

قورو قورتاریب، یاش یئتیشمه ییب هله

قورونون اوتونا یاش دا یانار

قورو پالچیق دیوارا یاپیشماز

قورو سفره یه نه بسم الله

قورویا قورد دوشمز

قویو قازان اؤزونو قویونون تکینده گؤره ر

غافیل قوشون اووچوسو چوخ اولار

قارتال میلچک اوولاماز

قرخین قیرخیب، بیرینی تاپیب

قونشو قونشونون ایتی یین، بایاتی اوخویا-اوخویا آختارار

قوشو یوواسیندا توت

قارین باشا بلادیر

قارین قارداشدان ایره لیدیر

قارین دویورانی گؤز تانیماز

قارین توخ اولاندا چوخ شئی یادا دوشر

قارینا گئدن قازانجدیر

قارنی توخدو، گؤزو آج

قارنی توخون نه غمی

قارنیم اوچون دئییل، قدرین اوچون دور

قارنین دویمادیغی یئرده آجلیغی بیلدیرمه

قاش دوزلتدیگی یئرده، ووردو گؤزون ده چیخارتدی

قاشا چکمه وسمه نی، گؤزه سورتمه سورمه نی

قاشلارین قارا، گؤزلرین گؤی، آجیغین گلیر دور منی دؤی!

قلب بیر شوشه دی سیندیرسان پاپیشدیرماق اولماز

قلبی دولو اولانین دیلی اوزون اولار

قلب لر اؤرتولو اولار

قولون وار، زورون وار

قولاق دئیر: گونده بیر سؤز ائشیتمه سم

قولاق ایکی، دیل بیردیر- بیر سؤیلر، ایکی ائشیت

قولاق گونده تازا سؤز ائشیتمه سه کار اولار

قولاقدا سیرغا آسیلار، سؤز قالار

قازان قاراسی گئدر اوز قاراسی گئتمز

قویما خالدان، خال اولماز

قیامت او گون قوپار کی، بیری یئیر بیری باخار

قوردون آدی قورددور، یئسه ده، یئمه سه ده

قیر، ساققیز اولوب یاپیشیب یاخاما

قاپی اؤز دابانی اوسته دولانار

قاپیدان قووسان باجادان گلر

قاپییا گلنی قوومازلار

قاپیوی محکم باغلا، قونشووو اوغرو ائلمه

قاپینی گئن قوی، دَوه سینی الله دان ایسته

قازان، آغزی اؤرتولو قاینار

قازان قازانا دئدی اوزون قارا اولسون

قازان قازانا دئییر گؤتون قارادیر

قازان قاپاقسیز اولماز، ایگید پاپاقسیز

قازان دئید: دبیم قیزیلدیر – چؤمچه دئدی: ایندی گزیب گلمیشم

قازان دیبی یالاما تویوندا قار یاغار

قازان اولسون دولو اولسون، یئیه نی تاپیلار

قازانی اؤزوندن، قازانانی اؤزوندن

قازانج قودوروب مایانی دا یئدی

قازانجیم اتا- آنامین – اؤیره ندی ییم اؤزومون

قازانان قازاندیغینی یئسه، خانلار، بَیلر آجیندان اؤلر

قازانماغا نه وار، ایش اونو خرج ائتمک ده دیر

قیتلیغا ساتیجی – بوللوغا آلیجی

غم غصه ایله بورج اؤدنمز

قاضی آغادان آلاجاغین اولسون، نه وئره ر، نه دانار

قاضی آداما باخار حکم یازار

قاضی کسن باشین سورغو سوالی اولماز

قاضی کتابدان کتابا سالار، حرامی حلال ائیلر

قاضی شکایته گله نین بیر گؤزونه باخار بیر الینه

قسمت گؤیدن سبد ایله گلمز

قسمت دن آرتیق یئمهک اولماز

قیلینج مسلمانی دیر

قیش آج، یای یالاواج

قیش قیشلیغین یئرده ائیلر – گؤیده ائیله مز

قیشدا اوجاق باشیندا – یایدا داغلار باشیندا

قیشین قاری، یایین باری

قار نه قدر چوخ یاغسا یئنه یازا قالماز

قار سویوندان قایماق اولماز

قارا باخانین گؤزو قاماشار

قار سوسوزلوق سؤندورمز

قارلی قیش بارلی اولار

قایا داغا آرخالانار

قیزیل آچار دمیر قاپیلاری آچار

قیزیل پالچیقدادا پاریلدار

قیزیلدان بالتا قاییرسان، آخر کول دیبینه دوشر

قارا ائششک آغ پالان؟!

قودوق آناسندان قاباق گئدر

قودوق آنغیرماغی آتاسیندان اؤیره نر

قودوق بؤیویر ائششک اولار

قیزیل اینک قارا قاباق گلینه سوت وئرمز

قویون آز گزه ر قویروق باغلار

قویون باشلی ، قورد دیشلی

قویون قیرخلیق آلتیندا قوردو اونودار

قویونا گئتمز، قاپیدا هورمز

قویونو قوردا تاپیشیریب

قوچ ایگیدن قوچ اولار

قوچ ایگید داییسینا چکر

قوچ اولمامیش بوینوز چیخاردیر

قوزو اوتارانیمیزدا وار، یون دارایانیمیز دا

قوزو چوبان اوچون دئییل، چوبان قوزو اوچوندور

قاری دیزینه دؤیمکله، دوه پامبیقدان چیخماز

قورد آدینی دَییشر، خاصیتینی دَییشمز

قورد آجیندان چؤله چیخار

قورد آج گؤز اولار

قورد قارانلیق آختارار

قورد دومانلیغی سئور

قورد قوجالاندا کؤپه یه گولونج اولار

قورددو، قویون دریسینه گیریب

قورد اوغلو قورد اولار

قورد اؤز اؤروشونده آج قالماز

قورد اوره یی یئییب

قوردا رحم ائتمک، قویونا ظولوم دور

قورددان قورخان قویون ساخلاماز

قوردونان قیامته قالمایاجاق کی

قوش واختیندا اؤتر

قوش دنه، میلچک شیره یه ییغیشار

قوشا قیزیل قفس ده زندان دیر

قوشو قوشو ایله توتارلار

قیزیل قوش الده گزه ر، گؤزه ل قیز دیلده

قارانقوش باهارین ائلچی سیدیر

قارانقوش باهار مژده سی وئره ر

قارغا قارغانین گؤزونو چیخارتماز

قاراغا دادانان یئرده یومورتا قالماز

قارغادان قیرغی اولماز

قارغادان گؤزه ل قوش ایسته دیلر بالاسینی گؤسته ردی

قاراغانین سسی چیخاندا قار گلر

قوز آغاجی نین چوخالماسینا قارغالار سبب اولار

قورباغا گؤلونه داش آتما

قورباغانی بیر وورسان ایکی سیچرار

قورباغا سیز گؤل اولماز

قودوراسان آی ققورباغا، بیزی گلدی وورماغا

قاریشقا شیللاق آتدی دوه نین قیچی سیندی

قاریشقانین ییغدیغینی هئچ کس ییغا بیلمز

قاریشقادان عبرت آل، یاز ایکن قیشا حاضیرلاش

قیش چیخار اوزو قارالیق چؤموره قالار

قیتمیر الی اوزون اولار

قیتمیر آج گؤز اولار

قیتمیرا زَهرده وئرسن، پولسوزدور دئیه آلیب ایچیر

قیتمیر ظالیم اولار

قیتمیردان آلان یومورتانین ساریسی اولماز

قیتمیردان قیشدا بوز آلماق اولماز

اضافه کردن نظر


کد امنیتی
تازه سازی

آمار بازدیدکنندگان سایت

846261
امروز
دیروز
هفته جاری
هفته گذشته
ماه جاری
ماه گذشته
بازدید کل
296
795
1413
839297
20161
23360
846261

آی‌پی شما: 66.249.66.207
امروز: سه شنبه، 04 مهر 1396 - ساعت: 23:07:16

تبلیغات (2)

تالار گفتمان آذر فروم

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

پیوندها

درباره ما

وبسایت رسمی اسکو باخیش از سال 92 به نقد و بررسی در زمینه مطالب فرهنگی ، هنری ، تاریخ و ادبیات شروع به فعالیت کرده است.

مهدی عارفی (ایشیق) :

محقق - نویسنده - شاعر

سخنان بزرگان

امام على سلام الله علیه :
مَنْ حَسُنَتْ خَليقَتُهُ طابَتْ عِشْرَتُهُ؛

هر كس خوش اخلاق باشد، زندگى‏اش پاكيزه و گوارا مى‏گردد.