آتا- بابا مثللری ( ب ) B

بلدچی ایله گئدن یورولماز.

بلد‌چی‌یه یول گؤسترمزلر.

بیلیک آغلین آیناسیدیر.

بیله‌رک یانان آغلاماز.

بیلمه‌دییین ایشه گیریشمه.

بیلمه‌مک عیب دئییل، سوروشماماق عیب‌دیر.

بیلمیرم باش آ؛ریتماز.

بیلسه‌یدیم دردیم ایکی اولمازدی.

باتمان اوتور آغیر گل.

بزَنیرم آغادان قورخورام- بزنمیرم خانیمدان!

بزَنیرسن بوگونده‌سن- بزنمه‌سن نه گونده!

بد اصیل اصیل اولماز.

بختی یوخ‌ایدی بدبختلیگی کمک ائتدی.

بختینی قوزدا سینا- اوغولدا، قیزدا سینا.

بختیم بختیمدن کوسوب.

بختین یاتدی سن ده یات.

بختین گتیرنده، بدبختیلیگی یاددان چیخارتما.

بختی قارا داغا چیخدی داغلاری دومان آلدی.

بی غیرت اوغولدان، ناموسلو قیز یاخشی‌دیر.

بؤیوک باشینی کیچیک ایشه قاتما.

بؤیوک دانیشانی کیچیک گؤتور‌‌ه‌ر.

بؤیوک اولان یئرده کیچیک دانیشماز.

بؤیوگو آخماق، کیچیگی توخماق.

بؤیوگونو تانیمایانی هئچ کیم تانیماز.

بؤیوک گؤزون ایشیغی اولماز.

بؤیوکسوز ائوده خئیر برکت اولماز.

بؤیوگون بؤیوک دردی وار، کیچیگین کیچیک دردی.

بوینونو بؤیودونجه آغلینی بؤیوت.

بالا بالدان شیرین‌دیر.

بالادادی بال دادی، شیرینی شیرین اولور، آجیسی دا بال دادیر!

بو گونو اوشاق ، صاباحی قوچاق.

باریت ایله اوتون دوستلوغو اولماز.

بلا همیشه یاخشی آدامی توتار.

بلا گلنده گلیرم دئمز.

بلایه صبر گر‌ه‌ک.

بلاسینی من چکدیم، صفاسینی اؤزگه.

بیز اومو اولدوق دازا، داز اؤزون قویدو نازا.

بو دونیا عارسیزلا، غمسیزین دیر.

بالیق باشیندان اییله‌نر.

بیر الده ایکی قارپیز اولماز.

باخ منه بیر گؤزله باخیم سنه ایکی گؤزله.

باخما دئینه، باخ دئدیگینه.

باخماقلا قارین دویماز.

باخماقلا اؤیرنمک اولسایدی، ایت‌لر قصاب اولاردی.

باخیشلایان آتین دیشینه باخمازلار.

بسله‌سن اطلس اولار توت یارپاغیندان.

بدبخت‌لیگی قاپییا گتیرن تنبللیک‌دیر.

بولبول گولو سئور، اینسان وطنی.

باشین بؤیوکلویو دولت‌دیر- آیاغین بؤیوکلویو محنت.

بیر آیاغی بوردا- بیر آیاغی گوردا.

بارماغیمین بئشینی ده بال ائدیب آغزینا سوخسام، دئیر، زَهَردیر.

بئش بارماغین، بئشی ده بیر دئییل.

باش بدنین تاجی‌دیر، گؤزلر اونون قاش-داشی.

باش بوستاندا بیتمز.

باش اَیمکله باش آغریماز.

باش اولماسا بدن لش‌دیر.

باش ساغ اولسون پاپاق تاپیلار.

باش اور‌کدن سو ایچر.

باشا دوشنه جان قوربان.

باشی بؤیوکدور بئینی یوخ.

باشی داشدان داشا دَیمه یینجه عاغلی باشینا گلمز.

باشی الحد داشینا دَیمه‌ییب.

باشلی باشین ساخلاسین.

بؤیوک باشین بؤیوک ده بلاسی اولار.

باشدا توک اولسون داراماغا نه وار.

باشی بدنینه آغیرلیق ائلیر.

بدن دئیر ساخلا منی، ساخلاییم سنی.

بوغاز ایستمه‌سه‌‌ده ، گؤز گؤردویونو ایستر.

بوینو اوزون بئینی بوش – توت قولاغیندان جوته قوش.

بوینونو بیتلر یئییر، چؤرَگینی ایت‌لر.

بوینوم قیلدان اینجه‌دیر.

بو بوینوم بودا قیلینج.

بورنو یئلله‌نیبدیر.

باخماقلا قارین دویماز.

باخ منه بیر گؤزله- باخیم سنه ایکی گؤزله.

بال توتان بارماق یالار.

بالین یوخدور بال کیمی دیلین اولسون.

بئشده آلاجاغیم یوخ، اوچده وئره‌جه‌ییم.

بوغدا گؤسته‌ریر، آرپا ساتیر.

بازار آتا- آنا تانیماز.

بازار قورولدو حساب دورولدو.

بورج آلان گوله-گوله گدر- آغلایا-آغلایا گلر.

بورج آلماق باشلانان یئرده دوستلوق پوزولار.

بورج دولو گلر دولو گئدر.

بورج دورار، خرج دورماز.

بورج کی اولدو یوز- گیر ایچینده اوز.

بورجولو بورجلونون ساغلیغین ایستر.

بورجلو اؤلمز رنگی سارالار.

به‌یین الی جیبیندن چیخینجا، کاسیبین جانی چیخار.

به‌یدن گلمیش نؤکرم، دینسن دیشلرینی تؤکرم.

برکتین بیر یانی خرمندیر، بیر یانی ننه‌نین اته‌یی.

بوردا دیله‌نیر، اوردا زکات وئریر.

بو گون آلا داغدا، صاباح قارا داغدا.

بو گونون صاباحیده وار.

بو دونیادان خبری یوخ- او بیری دونیادان دانیشیر.

بالیغی نه واخت سودان توتسان تازادیر.

بار وئرن آغاجی کسمزلر.

باغ باغوانسیز اولماز دوه ساربانسیز.

باغدا اریک وار ایدی سلام علیک وار ایدی – باغدا اریک قورتاردی سلام علیک  قورتاردی.

بوغدا اولمایان یئرده، دارینی گؤزه تپرلر.

بالیق باشیندان اییله‌نر، جامیش آیاغیندان.

بالیق ایسته‌ین قویروغونو بوزا گر‌ه‌ک قویا.

بیره شیلاق آتدی، دوه‌نین گؤزونو چیخارتدی.

بیره‌نی آیاغیندان ناللاییر.

بیرآغیللی باش مین باشی ساخلار.

بیر آدام کی سحر یالان دانیشدی، آخشاماجان یالان دانیشار.

بیر بوهتان مین زیانا برابردیر.

بیر بوداغا چیخیب مین بیر بوداغ سیلکه‌لیر.

بیر دلی بیر قویویا داش سالار مین آغیللی اونو چیخاردانماز.

بیر الی یاغدا بیر الی بالدا.

بیر الی اود، بیر الی سو.

بیر گولو ایله باهار اولماز.

بیر میخ بیرنالی، بیر نال بیرآتی،بیرآت بیر اری، بیر ار بیر ائلی قورتارار.

بیر سؤزون مین بیر بوداغی اولار.

بیر خوروزدور، اللی یئرده بانلاییر.

بیری آجیندان پالتارینی ساتیردی- او بیری دئدی: نیسیه ساتارسان.

بیری اؤلمزسه، بیری دیریلمز.

بیرینی کنده قویموردولار، کند خدانین ائوین سوروشوردو.

اضافه کردن نظر


کد امنیتی
تازه سازی

آمار بازدیدکنندگان سایت

846261
امروز
دیروز
هفته جاری
هفته گذشته
ماه جاری
ماه گذشته
بازدید کل
296
795
1413
839297
20161
23360
846261

آی‌پی شما: 66.249.66.207
امروز: سه شنبه، 04 مهر 1396 - ساعت: 23:07:16

تبلیغات (2)

تالار گفتمان آذر فروم

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

پیوندها

درباره ما

وبسایت رسمی اسکو باخیش از سال 92 به نقد و بررسی در زمینه مطالب فرهنگی ، هنری ، تاریخ و ادبیات شروع به فعالیت کرده است.

مهدی عارفی (ایشیق) :

محقق - نویسنده - شاعر

سخنان بزرگان

امام على سلام الله علیه :
مَنْ حَسُنَتْ خَليقَتُهُ طابَتْ عِشْرَتُهُ؛

هر كس خوش اخلاق باشد، زندگى‏اش پاكيزه و گوارا مى‏گردد.