چوخ تانینمیش شعر قالیب‌لاری

 

 

1 – هئجا وزني         2 – عروض وزني              3 – آزاد شعر وزني

چئشيدلي – چئشيدلي شعرلرين تانينميش آدلاري:

1

باياتي

15

سايا

29

شكايت نامه

43

اعتراض

2

قوشما

16

گرايلي

30

تكرير

44

كنايه

3

نوحه

17

هووالار

31

دوداقلي

45

ترجيع

4

آغي

18

ماهني

32

بارماق حسابي

46

قطعه

5

باهاريه

19

تجنيس يا جناس

33

ايكي ديل

47

ايكي قافيه لي

6

گؤزللمه

20

جيغالي تجنيس

34

مستزاد

48

نقطه لي

7

وصف حل

21

دوداق ديمز

35

قوشا ياپراق

49

نقطه سيز

8

دئييشمه

22

دوداق ديمز تجنيس

36

غزل

50

گؤز باسما

9

باغلاما

23

دوداق ايمز قوشما

37

قافيه

51

دو بيتي

10

قفيل بند

24

آجيتما

38

رديف

52

ترتيب

11

استاد نامه

25

تويوق

39

رباعي

53

گيريز

12

حربه زوربا

26

بنزتمه

40

استعاره

54

كرمي

13

نازلاما

27

بديعي بنزتمه

41

بئشليك

55

 

14

لاي لاي

28

تاپماجا

42

ديواني

56

 

1 - باياتي

باياتيلاردا – ايمان،محبت،اينسانليق،ياشاييش،وطن عشقي،گؤزه لليك گوسته ريلير .

باياتي 4 مصرع اولوب ، هر مصرع 7 هئجا اولار. 1،2،4-نجي مصرعلار بير قافيه ده اولوب، 3-نجي مصراعين قافيه سي اولماز .

عزيزيم وطن ياخشي
گئمه يه كتان ياخشي 
غريب ليك جنت اولسا
اولمه يه وطن ياخشي             .

 

بولبول قونار گوللره 
قوربان شيرين ديللره
هامي ال بير اولسا
دوشمن نئیلر ائللره                  .

 2 – قوشما

قوشمالاردا – بير اولوسون امه يي،سونجو،كدري،غمي،ظاليم لره نفرتي،طبيعته، گؤزه لليگه، ايمانا،محبته،اينسانليغا دويغو،دوشونجه،تعريف ايله نصيحت حاليندا قوشولور.

قوشمالار اوست اوسته هر مصرع سي 11 هئجا اولوب، هر مصرع (11=5+6 ) – (11=3+4+4 ) ها بئله آيري بؤلمه لرده ده اولا بيلر .

قوشمالار دا 3 ايلك مصرع بير قافيه ده ، سون مصرع لر ده بير قافيه ده اولمالي دير .

اوره يمده وار مين آرزي ديله ييم
آچماييب دير هله حيات چيچك ييم
سيزلايير ساز كيمي غملي اوره ييم
چالماغا بم ايله زيليم وار منيم                    .

 

آلوولو بير اودام سؤنمره م بيلين
اؤز دوغما يوردومدان دؤنمره م بيلين
« ايشيغام » يوردوما سؤنمره م بيلين
آيدين دوشونجه لي ائليم وار منيم               .                                             « ايشيق »

3 - نوحه :

مصيبت لي، غملي، كدرلي، غصه لي اوره ك سؤزلرين، هابئله جان ياغيجي صحنه لري آچيقلايان شعرلردن عبارت اولور .

بير گوندو  بو گون ملك لر آغلار
ممكن اولا، ذات ذوالجلاله 
بي شك باتار غم و ملاله
گؤي اهلي توتوب عزا حسينه
ائيلرله بونوع نوا حسينه                               .

 

زهرا باش آچيق پيمبر آغلار
فرياد و فغان و آه و ناله
بو گونده خداي اكبر آغلار
آغلار هامي ماسوا حسينه
باطينده تمام يئرلر آغلار                                     .                                  « صافي »

 

4 – آغي

آغي يا هامان مرثيه ، نوحه ساياغي اولوب چوخلو كفن و دفن ايله عزا يئرلرينده باياتي فورماسيندا اوخشانار .

من عاشيق لالا داغی
بورويوب لالاداغی 
جمي يارا ساغالسا                            ساغالماز بالا داغي                                  .

آغاجدا خزل آغلار                              ديبينده گؤزه ل آغلار                            بئله اوغلو اؤلن آنا                             سرگردان گزه ر آغلار                           

كوچه ده خونچا گئده ر                          ايچينده نيمچه گئده ر                          عالمين گولو گئتسه                              بيزيم كي قونچه گئده ر                             .

5 – باهاريه

آديندان بللي اولدوغونا گؤره باهار فصلي نين گوزه لليك لرينه قوشولان قاليبدا شعرلردن عبارت اولور.

 

 

6 – گوزه للمه ( تعريف )

بو نوع شعر هر قاليبدا اولا بيلر . گوزه للمه ده طبيعت،عقل،معرفت،وطن،اينسان،محبت … قوشولدوغو احساسلي سوزلر ايله ترنم ائديلير .

چوخ گؤزه ل دير دورنا گؤيده سسلنه آنا قوجاغيندا اوشاق بسلنه                         باهار يئلي زميلري تيتره ده
گون دوشدوقجا،سونبوللري هوسلنه
بو ايستكلي منظره دن گؤز دويماز 
آمما بونلار وطن ايله بير اولماز                     .

 

دان اولدوزو اوزاقلاردان گؤز وورار
گون ايشيغي قارانليغي سينديرار
گولر چمن ياغيش آچاندان سونرا
گول اولماغا قونچا ياخاسين جيرار
وطن كلمه سينه ، هئچ بيري چاتماز
ديني اولان اينسان وطنين آتماز               .             صمد ظهوري« ايلقار »

7 – دئييشمه

ايگيت اولان قوناق سئور ائوينده               ايستر ناتم اولا ايستر سئوينده                 غريب اولوب دوشدوم سنين يئرينده
بو گئجه من سنه قوناغام عرب                    .            

  شاه اسماعيل صفوي « ختائي »

 

 

بو یئر او يئرديكي قوش قونا بيلمز
بيزيم ائللريميز يادا ديديلمز
هر يئتن غريبه قوناق دئييلمز
گلندن – گئدندن باج آلام گره ك           .                              عرب زنگي

8 – باغلاما

سؤال :

مغرورلوق ائله ييب اوستادام دئين
او هانسي آغاجدي تاغي یئددي دير
او آغاجدا بير قوش يووا سالیب‌دیر                چارپاز سينه سينده داغي يئددي دير          .

                            عاشيق علسگر

 

جواب :

اوستادام دئينلر مغرور اولماسين
جسد داماري نين سري يئددي دير
سينه يوواسيندا مسكن ساليب دير 
اوره ك بير قوش اولسا پري يئددي

                      عاشيق بهمن

9 – قيفيل بند :

سؤال :

او كيم دير اوتوزوندا جواندير
اون بئشين ده قوجالاني اؤلودور
او ندير كي ديلي ايري سؤزي دوز
او هانسي دريادير ايچي دولودور    .             «خسته قاسيم »

 

 

جواب :

او آي دير كي اوتوزوندا جوان دير    اون بئشينده قوجالاني ؤلودور      او قلم دير ديلي ايري سؤزي دوز   علم درياسي هر دريادان دولودور 

.                              « لزگي احمد »

10 – اوستاد نامه :

قوشما وزنينده 11 هئجالي بير شعردير ، بو چئشيت ده شاعير ، خيردن،بركتدن،ياخشيليقدان، علم ايله فضيلت دن نصيحت حاليندا سؤز آچيب مثل لردن، متل لردن اؤز باجاريغيني گؤسته ره ر .

فرصت الده اولسا ياخشي ليق ائيله               گل گوونمه دولتينه مالينا
وفالييا امك چكسن ايتيرمز
قاباق تاغي تر شاماما بيتيرمز                           .

 

 

هميشه الينده اختيار اولماز                    مالدا گئدر عؤمره اعتبار اولماز 
بد اصيل نصيحت اؤيود گؤتورمز
بوز سؤيودده هئيوا اولماز ناراولماز                     .         « تيكمه داشلي خسته قاسيم »

11 – حربه زوربا

آلچاقدان دايان كي چيخاسان باشا          گل ياپيشما گوجون چاتمايان داشا          ساخلا ديلين اوزون اوچون ياغيدي
وورار قايناغيندان سني داغيدي               .

 

تولكوسن آسلانلا گيرمه ساواشا   گؤتوره بيلمزسن زورا دوشرسن    عاشيق علسگرين اودلو چاغيدي    گؤيدن يئره پارا پارا دوشرسن             .

12 – نازلاما

نازلامالار اوست – اوسته گرايلي( 8 هئجا ) يا باياتيلار كيمي ( 7 هئجا ) اولورلار.

بالاما قوربان اينك لر  بالام نه واخ ايمك لر بالاما قوربان ايلانلار
بالام نه واخ ديل انلار       .

 

تولوق سني آسايديم  ياغين كوپه باسايديم  اوغلوم بؤيوك اولاندا 
قيپلي قازان آسايديم       .                

13 – لاي لاي

لاي لاسي درين بالا  يوخوسو شيرين بالا  تانريدان عهديم بودور تويونو گوروم بالا          .

 

لاي لاي دئديم ياتاسان  قيزيل گوله باتاسان     قيزيل گولون ايچينده  شيرين يوخو تاپاسان        .

14 – سايا

بو تكه آختا تكه         بوينوندا وار نوختا تكه
يايدا قول تك ساتيلار قيشدا چيخار تخته تكه     .

 

گئچي دئير آديم عبدالكريم دي   قاوالا چكيلن منيم دريم دي       اوچ آي قيشدا اونا آلله كريم دي شيطان شيطان بالالاريم وار منيم .

15 – گرايلي

گرايلي 8 هئجا اولوب ، ايلك بندينده 1-نجي مصرع ،4-نجي مصرع ايله بير قافيه ده اولار ، باشقا بنديلرين 4-نجي مصرع لري گره ك 1-نجي مصرع نين قافيه سي ايله  بير اولموش اولا لار .

دعوا گونو مرد ايگيده              برك ده بيردي،بوشدا بيردي   گونون ياخشي كئچن زامان       يايدا بيردي،قيشدا بيردي         .

 

هر مطلبي تئز قانانا                معناسيني دوز قانانا              ايشاردن سوز قانانا               گوزده بيردي قاشدا بيردي       .

چوخ دئمه مطلب اوزانا            رحمت نصيحت يازانا               نابلده،يول آزانا                    داغدا بيردي،داشدا بيردي       .         «  عاشيق شمشير »

16 – هووالار

هووا، آذربايجانين بوتون كندلرينده ايش واختي اكين چي لرين، بيچين چي لرين ، اؤزه ل ليك ايله جوتچولرين علاقه بسله ديكلري حيوانلارين بويونا اوخشامادير .

قارا كليم ناز ائيلر               قويروق بولار توز ائيلر
آي قارانليق گئجه ده      كوتاني پرئاز ائيلر                .

اؤكوز بوينون بسته دي        قويروغون گول دسته دي  سني بيزله ين نورسا   يئددي ايلدي خسته دي       .نورسا:اؤكوزه مينن اوشاق

قارا كليم گونده من            گؤلگه ده سن گونده من  سن يات قايا ديبينده          قوي قاراليم گونده من         .

17 – ماهني

ماهني دا مخصوص بير وزن يا هئجا يوخدور. آمما نئچه بنددن عبارتدير كي تكرارايله اوخونور. 

(( جان سنه قوربان ))

كئچميشم جانيمدان  وطن يولوندا
قوي اولسون بو جانيم  وطنه قوربان      دئميشم قوربان من عزيز جانيمي
مين جانيم اولسادا مينيده قوربان
گؤزل وطنيم آزاد قال جان سنــه قوربان
ايسته سن بو جانيمي آل جان سنه قـــوربان .

بــوردا يارانيب دير غيرت اوجاغي                  بسله ييب  ايگيدلـر وطـن قوجاغي               غيرت له بز ه نيب هر بير  بوجاغي                بوردا  غيرتين  آخـان  بـولاغي  وار                گؤزل وطنيم آزاد قال جان سنــه قوربان          ايسته سن بو جانيمي آل جان سنه قوربان     .

بوردا آنا يوردون  مين لـر  عاشيغـي                            باغلاري نين واردير گول  ياراشيغـي
پارلاياجاق  ايلـلر  سؤنـمزايشيغـي                              بوردا ايشيغين باخ مين ساچاغي وار 
گؤزل وطنيم آزاد قال جان سنـه  قوربان                                 ايسته سن بوجانيمي آل جان سنه قوربان           .                     اوسكو : « ايشيق »

 

18 – تجنيس يا جيناس

او كلمه لر كي دئييشده بير جنسدن اولوب ظاهيرده بير-بيرينه اوخشاييرلار ، آمما معنادا آيري بير آنلام دا اولورلار، شعرده اونا جيناس يا تجنيس دئييلير ، جيناس فورماسي شعرده بير خاص وزنه يا نوعا باغلي دئييل .

     

من عاشيق باغدادآرا          زولفونو باغدا دارا
بولبولو گولدن اؤترو
  چكديلر باغدا دارا                 .

من عاشيق بو داغيلن          گول سينار بوداغيلن              سنه ياخشي دئمزلر             من اؤلسم بو داغيلن               .              « ساري عاشيق »

كؤنول ايستردي آغي(آغ)          وئرديلر اونا آغي(زهر)
ياخيلميش تئللرينه(رگ)        توتدولار قارا آغي(مرثيه)      .            اوسكو : « ايشيق »

19 – جيغالي تجنيس(جقه،فرق سر)

بير نظم لي سؤزدور كي اصل شعردن آيري، آمما مضموايله تجنيس حاليندا قاباق كي مطلبه باغلي اولور :

لاله دن قيزارميش گؤردوم داغلاري

سينه لر اوستونده گؤردوم داغلاري

عزيزينــم داغــلاري

چك سينمه  داغـلاري

شهيدلرين  قانينـدان

لاله گؤردوم داغلاري

نه يارپاق قاليبدير، نــه بوداغـلاري

آغاجلار دوزولوب قــاتارا گؤردوم

 

                      « فريدون حاصارلي »

 

20 – دوداق ده يمز

آغيز آچيلسا تئز، اسراريني تؤكر ائشيگه

اوره ك دؤيونتوسونه،سونرا خسته حال اولاسان

 اگر آچيلدي دوداق،ياخشيدير كي تئز ييغيشا

  عيارلي سؤزلريلن،لايقِ جلال اولاسان                          .                                     صمد ظهوري « ايلقار »

21– تويوق

تويوق بير نوع شعردير كي اونون 4 مصرعلي بندي نين هر مصرع سينده ايكي جوره قافيه و ايكي جوره رديف اولور. هابئله باشقا نوعوندا  اگر هر 4 مصرع بير قافيه ده اولورسا اونادا « تويوق » شعري دئييلر :

دالميشام شول بحره كيم پاياني يوخ ياتميشام شول نهره كيم خسراني يوخ بؤلموشم شول بدري كيم نقصاني يوخ گيرميشم شول شهره كيم ويراني يوخ  .   

                     « عمادالدين نسيمي »

بير غملي بولبولم گوللر اينانمير
گؤز ياشيم سئل اولور گؤللر اينانميردئييرم حسرتم قوللار اينانمير عاشيق بستي منم ائللر اينانمير        .

مجنونسوز لئيلي يم چؤللر اينانمير       بير غريب يولچويام يوللار اينانمير   سؤزوم داستان اولوب تئللر اينانمير    سينيم دوخسان اولوب ايللر اينانمير     .                    « عاشيق بستي »

22 – بنزه تمه

بو نوع شعريده شاعير ، بير پارا حقيقي شئي لري بيربيرينه اوخشاتماغيلان ،سؤزونو بير معنالي حالتده دوشوندورمك ايسته يير . بنزه تمه هور فورمادا اولا بيلر .

كيرپيگين اوخونا قاشين يايينا            شاما بنزه تديلر قارا ساچيني
دوداغين قندينه شكر دئديلر دئديلر
كي يوخدو دهاني اونون                .

عاشيغين سينه سين سپر دئديلر  عارضين نورونا سحر دئديلر
جانِ شيرينه گؤر نلر دئديلر              بي خبرلر عجب خبر دئديلر               .                           « نسيمي »

23 – بديعي بنزه تمه

شاعير بو نوع شعرده ، تازا و بديعي سؤزلردن فايدالانيب هر كلمه ني اؤز يئرينده ائله ايشله دير كي شعرده گؤزه لليك و ايلهام يارادير :

عؤمرومون صبحي اوزون دير
گئتمه اي دلبر گؤزومدن            .

بختيمين شامي سحر      صبحيمي شام ائيله مه           .                      « نسيمي »

 24 – تاپماجا

تاپماجالار نظم و نثر حالتينده اولا بيلرلر.

هالالار آي هالالار                  داغدا دوشان بالالار 
قويروغوندان سو ايچر
ديمدي ييندن بالالار               .                        « بوغدا »

بير آتيم وار درينده
آرپا يئير سرينده
گئجه گوندوز يول گئده ر
يئرينده دیر یئرینده             .                 « ده ييرمان »

يوندوقجا يوقونلار كسديكجه اوزانار

« قويو »

آغ آتي ناللاديم                  تهرانا من يوللاديم                .                            « نامه »

25 – شيكايت نامه

نئجه آسوده اولور درد و بلادن باشيم         همت ائتمز منه اصلا نه قوهوم قارداشيم    قوجاليق سالدي آياقدان مني اي داد اؤلوره م              .

آغلاماقدان جوشوب عمانه دؤنوب گؤز ياشيم    بئله بير گونده كي هشتادي گئچيبدير ياشيم    دوشمه يير ايندي جوانليق اله فرياد اؤلوره م   .                                        « علي آغا واحد »

26 – تكرير ( تكرار ائتمك )

بو شعرده بير كلمه هامان معنادا هر مصره ده يا بيت ده نئچه يول تكرار اولونور.

ازلدن قيلميشام عشقيله پيمان                        .

عاشيق  يــامانــا گله

                                ياخشي ياخشييا گئده

بوتون پيمان، سينيق پيمان گره كمز              .                                              « نسيمي »

دردين يــامانا گله

يــامان  يـامانا گله            « ساري عاشيق »

27 – دوداقلي

اساس شرط بودور كي شعرين هر كلمه سينده دوداقلار بير بيرينه ده يسين :

ايچمه ميش جام محبت غمله پيمان باغلاديم چشم مستين بيلدي، مالامال ائديب پيمانه مي          .

پيريميزدن من بئله پيماني پنهان باغلاديم
مست اولوب بير حكميله، ملك سليمان باغلاديم .                           صمد ظهوري « ايلقار »

28 – ايكي ديللي ( ملمع )

اي خسرو مه رويان،گل بيرجه گولوستانه
خال حبشي رنگت ، ائتدي گونومو قاره                اي بلبل غمديده ، گلدي يئنه گول فصلي              در ريختن خونم ، چوخدا عجله ائتمه                    .

تا مهر رخت پرتو، سالسين گوله ريحانه 
آن لعل شكر پاشت ، بير رحمه گلير يا نه 
بير خيز و بزن چهچه ، گل شوريله افغانه 
نا حق كش و خونريزي ، لايق مي دي سلطانه      .             « ابولقاسم نباتي » (خان چوباني )

29 – قوشا ياپراق

بو شعرده هر مصرع ده ايكي قافيه ايشله نير، اگر قوشا ياپراق دو بيتي فورماسيندا اولسا 4-نجي مصرع ده ايكي قافيه اولماق شرط دئييل، اگر اولسا چوخ ياخشي اولور.

اطلس دن قبالي،بئلينده شالي                  گئييب ياشيل آلي، ياخدي ماحالي              چوخ چكميشم جافا ، گل بير اينصافا             گلميشم طوافا ، وئره سن شفا               .

گوهردن باهالي ، اوزونده خالي                  آيري تئللر، آينا قاباغا دوشدو                      آند اولسون مصحافا ، اولمام بي وفا             علسگر خسته دي، اوجاغا دوشدو              .                            « عاشيق علسگر »

30 – غزل

آذربايجان شعري نين غزل فورماسيندا « علي آغا واحدين » خدمتي چوخدور . آشاغيدا گلن غزل 14 هئجا وزنينده گؤسته ريلير . غزل 5 دن 12 بيته كيمي اولا بيلر .

عشقين تمام نئشه سي ديوانه ليك ده                جاهيل لريله عارفين اولماز علاقه سي                لعلين خيالي كؤنلومه دولسا عجب دگيل                يئتمز وفاسي آخيره نامرد اولانلارين              «واحد»، اگر چه صنعته قيمت وئريرسه خلق             .

ميخانه نين ملاحتي مستانه ليكده دير                 حال اهلي نين تكاملي فرزانه ليكده دير            گيزلين خزينه نين چوخو ويرانه ليكده دير
شخصين بوتون ديانتي مردانه ليكده دير
شعرين ده قدر و قيمتي دردانه ليكده دير              .                                      « علي آغا واحد »

31 –  رباعي

رباعي گره ك » لاحول ولا قوه الا باللا… « وزنينده اولا ، اؤزوده ايكي بيت دن عبارت اولور :

ديوانه كونول بسدي فغان ائيلمه چوخ    خاموش اوتور فيض ازل تاپ اوزونو              .

راز ديليمي خلقه عيان ائيلمه چوخ              ابناي زماني همزبان ائيلمه چوخ                 .                                      « نباتي »

32 – استعاره(بير اووز )

اگر بير كلمه ني اؤز حقيقي معناسينا باخماياراق آيري معنا عنوانيلن ايشه آپاراق ، شعر اصطلاحيندا اونا « استعاره » دئييلير . استعاره بير نوع تشبيه دير كي اوخشاديلان(مشبه) نظره آلينير و اوخشاديلميش(مشبه به) شعرده آد آپاريلير و آد آپاريلانا « استعاره » دئييلير و يا اونون ترسه سي :

مثال: ( بير آي گؤردوم كي پنجره دن باخير ) آيدان منظور بير قيافه نين پارلاق گؤزه لليگي دير كي پنجره دن باخيرميش ! آشاغيدا كي شعرده« آي،قمر،آفتاب» استعاره دير.

هاچان كي سونبول زولفون نقابي آيه دوشر        .

قمر سحابه گيره ر آفتابه سايه دوشر            .                                     « نسيمي »

33 – بئشليك ( مخمس )

بئشليك يا هامان عربجه مخمس دير كي بئش مصرع دن عبارت اولور. اوستاد شهريارين مشهور« حيدر بابا » شعري اوچ مصرع بير قافيه ده و ايكي آخير مصرع ده بير قافيه ده اولماغيلان بيرنوع بئشليك دير .

حيدر بابا4 ايلديريملار4 شاخاندا 3= 11         سئللر سولار4 شاقيلداييب4 آخاندا3 = 11         قيز اونا4 صف باغلاييب4 باخاندا3 = 11           سلام اولسون4 شوكتوزه4 ائليزه3 = 11            منيم ده بير4 آديم گلسين4 ديليزه3 = 11             .                                « شهريار »

 

غم اؤنونده داغلار كيمي دايانديم            سئللر كيمي چؤللر چايلار دولانديم        پروانه تك اوددا آلوودا يانديم                      نه واي دئديم نه سسيمي اوجالتديم          سكوتوملا دوشمنيمي قوجالتديم                .                       حسيني « حسرت »

34 – ديواني ( ديوانلي )

ديواني لاردا چوخ گؤزه ده ين هر بيت شعرين تركيبي دير كي 1-نجي مصرع 8 هئجالي و 2-نجي مصرع 7 هئجالي اولور .بونو دئمه لي كي عاشيقلارين چوخو اؤز مجليس لرين ديواني شعرلري ايله باشلايارلار .

بيچاره عاشيق علسگر  دانيشاندا دوغرو دانيش چوخ قازانسان آز قازانسان  مال دولته انديره ن          .

اولما علمه نابلت
سؤزون چيخماسين غلت
بئش آرشين آغدي خلت
اينسانا باش انديره ر!                 .              «  عاشيق علسگر »

 

35 – اعتراض ( انتقاد )

چوخ اللشدين سنه آسلان دئسين لر  عزيزيم جهد ائله بونلاردان آرتيق           .

قوچ اوغلان يا ايگيد، ترلان دئسين لر  سنه اينسان ، فقط اينسان دئسين لر            .                        « مفتون اميني »

36 – كنايه

بو نوع شعرده ، شاعير بير جوره اشاره لر ايله نالايق بير آدامي لايق گؤسته ريب و ياراماز بير شخصي گؤزه ل صفت لرله تعريف ائده ن حالدا آيري منظوري اولور.

عشقه علاج ايسته مه، دردينه صبر ائيله دور   عهده وفا ائيله گل، تا دئمه سين مدعي        .

آي آغالار بير زمـانه گليبدير

اوغوللار آتاني، قيزلار آناني

گؤر كي نه درمان قيلير، يار وفاداريميز              قول و قرار اوستونه دورمادي دلداريميز!          .                                    « نسيمي »

آلا قارغا شوخ ترلاني بيه نمز

گلين لرده قـايناناني بيه نمز!
                      « عاشيق عابباس توفارقانلي

 

37 – ترجيع ( قايتارما )

ترجيع بير خاص وزنه باغلي دئييل . عبارت دير نئچه بند شعردن كي هر بندين سونوندا بير اضافه نصرع يا بيت گتيريلير كي مضمونو او بندين سؤزلريله اويغون اولسون، يا اول بندين ايچينده كي بير مشخص مصرع يا بيتي شاعير تكرار حاليندا دئيير . تكرار اولان قسمت لره هر نه شكل ده اولسالار، ترجيع بند يا قايتارما دئييلير .

آي خان !

دهقان دئمه آي خان! دئيه سن اوددور ، آلوودور،

آخير بيليرم وار- يوخوما داش آتاجاقلار،

مئيدانه چكيب سونرا پالانسيز چاتاجاقلار ،

ايسسي آشيما بوردا سويوق سو قاتاجاقلار ،

آلله گؤره سن بيرده دورانلار ياتاجاقلار؟

يوخ – يوخ داها بوكندلي دگيل ، سانكي زئپودور

دهقان دئمه آي خان ، دئيه سن اوددور ، آلوودور .                « محمد بي ريا »

38 – مستزاد

مستزادلي، هر مصرع يا بيته قوشولوب اونا ربطي اولان بير تيكه اضافه سوزدور.

وور، وور، كي اونون هر سؤزو تيغدنده بتردير -
شاعير اولانين دا گؤرونور عقلي چاشارميش -              شاعير نه ديكي هر شئيه، هرزاده قاريشسن -
شاعيرده دوروب شاهينا هئچ نفرت ائده رمي-            شاعير دئديگين دوزلو غزل خوان گره ك اولسون -
شاعير دئديگين ظلمي جنايت لري يازماز -
  چوخ ياخشي اولار بير بالاجا خام اولا شاعير -
چون تأثير ائده ر هر دئديگي مللته آمما -
  شاعير دئمه بونلار وطن آواره سي ديلر -                    .                             

اعلان خطردير !             افسانه قوشارميش !          هم هرزه دانيشسين !
يا غيبت ائده رمي ؟ 
اعيان گره ك اولسون ! 
محنت لري يازماز ! 
هم رام اولا شاعير ! 
وار بوردا معما !             عصيان سسي ديلر !                    .   « عارف – صفا »

39 – قطعه( تيكه )

قطعه ني ايكي بيت دن تا غزل حدينه كيمي هر وزنيده دئمك اولار ، فقط رباعي وزنينده يوخ ! غزلده بيرينجي بيتين مطلعي و قافيه سي اساسي شرط دير ، آمما قطعه ده مطلع يوخدور و بيرينجي بيت ده قافيه شرط دئييل :

من اونا فتنه ، اول منه آفت      من اونا غصه ، اول منه محنت   .

متنفر من اوندان اول مندن       متنكر من اوندان اول مندن      .      
      «  شيخ محمد فضولي »

 40 – ايكي قافيه لي

باهارين او اوزون گونلري نه اولدو

نييه باغچالارين گوللري سولدو

41 – نقطه لي

بو نوع شعرده اساس شرط كلمه لرين هامي سي نقطه لي اولمالي دير !

باش چكيب عرش برينه اوچ طرفــدن داغلار

في الحقيقت لنگر كون و مكان دير اوشتيبين   -  نباتي

42 – نقطه سيز

اردملي امك له گئده ر ائللره
اؤدوك سالار دردسره آدامي             .

گؤركملي كؤمك ائده ر ائللره
گؤره – گؤره كوركو وئره ر سئللره          .   

             صمد ظهوري « ايلقار »

43 – گؤز باسما ( تلميح )

بير زادا سرعت ايله اشاره حاليندا آنديرماغا دئييلير .« قيزيم سنه دئييره م گلينيم ائشتسين » كيمي .

دئييرديم قامت سروين قيامتدن علامت دير     منه ترجيح وئرمه عشقده مجنوني اي عاقل   دولار، سن نطقه گلسن صحبت شيرينله عالم  .

بئله بيلمزميديم قامت دگيل مطلق قيامت دير  منيم عشقيم درايت، سن دئين نقل روايت دير 
مگر شكر لبين لبريز حلواي حلاوت دير؟         .    

                  «حاج حسين صراف »

44 – ايكي بيت ( دو بيتي )

دو بيتي فورماسي رباعي كيمي دير ، آمما وزنيده فرقي وار . 4 مصرع دن عبارت دير كي 3-نجو مصرع قافيه دن آزاد اولا بيلر .

جهاندا وارليغا، هر شئيين وجودو گواه          صفالي خوش گئجه لر كائيناته باخديقجا       .

مساوي دير نظرينده سنين گدا ايله شاه      نه چون گره ك دئمه ييم«لااله الاالله»؟          .                              « محمد بي ريا »

45 – سيرا لاما ( ترتيب )

بو نوع شعرده يا يازيدا ، سيرالاما چوخ گؤزه ده يير، دئمك بير سؤزه و يا بير مطلبه رديف و ترتيب ايله اشاره ائتمك دئمك دير .

مثال : بير ايكي بيزيم كي – اوچ دؤرد قاپيني اؤرت – بئش آلتي سموار آلتي – يئددي سككيز فرنگيز – دوققوز اون قيميزي دون … و يا

بيري آينا ، بيري پاس دير       گئجه توي دور ، سحر ياس دير

بيري آيدين ، بيري كاس دير

گول آچديقجا ، سولان دونيا! 

                             شهريار

اضافه کردن نظر


کد امنیتی
تازه سازی

آمار بازدیدکنندگان سایت

797977
امروز
دیروز
هفته جاری
هفته گذشته
ماه جاری
ماه گذشته
بازدید کل
55
777
2347
790323
19020
19776
797977

آی‌پی شما: 54.166.136.90
امروز: سه شنبه، 03 مرداد 1396 - ساعت: 13:05:42

تبلیغات (2)

تالار گفتمان آذر فروم

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

پیوندها

درباره ما

وبسایت رسمی اسکو باخیش از سال 92 به نقد و بررسی در زمینه مطالب فرهنگی ، هنری ، تاریخ و ادبیات شروع به فعالیت کرده است.

مهدی عارفی (ایشیق) :

محقق - نویسنده - شاعر

سخنان بزرگان

امام على سلام الله علیه :
مَنْ حَسُنَتْ خَليقَتُهُ طابَتْ عِشْرَتُهُ؛

هر كس خوش اخلاق باشد، زندگى‏اش پاكيزه و گوارا مى‏گردد.