منسیز‌له‌میشم

« دَنسیزلر عم اوغلو »

قوش کی کسدی یووانی اوچمادی دَنسیزلر عم اوغلو

سئیره کی چیخمادی سئیره، او چمنسیزلر عم اوغلو

***

اَسکی دن یوخ سؤزوموز شانلی شرفلی ائلی دیک بیز

ظالیمه قارشی دوران سانکی آمانسیز سئلی دیک بیز

یوردو شن گوللو چیچکلی سولو چنلی بئلی دیک بیز

فتنه یول تاپسا ائله یوردو دا چنسیزلر عم اوغلو

قوش کی کسدی یووانی اوچمادی دنسیزلر عم اوغلو

***

توتاق اجدادیمیزین هر تکی بابک لریمیش لر!

مین قوچاق آتلییا باش، شانلی اتابک لریمیش لر!

آغیر ایللرده شاخان اود کیمی شیمشک لریمیش لر!

بیلمه سه ائل اَره نین قدرینی، اَره نسیزلر عم اوغلو

قوش کی کسدی یووانی اوچمادی دَنسیزلر عم اوغلو

***

الینی وئر منه تکلیکده اَلین آزجا یورولسون

قویمویاق اؤلکده بو دردلی اوره کلر غمه دولسون

من دئمزدن چالیش اؤز منلییین آختار اوغور اولسون

کیم کی منلیک یئرینه من دئدی، منسیزلر عم اوغلو

قوش کی کسدی یووانی اوچمادی دَنسیزلر عم اوغلو

***

حالوا- حالوا دئیه نین آغزی ماحالدیر شیرین اولماز

دؤزمه سن طوفانا ، دریا اوره یین، گؤهرین اولماز

پیشمه سن اوددا پولاد تک بونو بیل جوهرین اولماز

یانماسا کیم وطن اوغروندا وطنسیزلر عم اوغلو

قوش کی کسدی یووانی اوچمادی دَنسیزلر عم اوغلو

***

حاجی رجائی اسکوئی « نیسگیل »دن

کریم مشروطه چی« سؤنمز»ه جواب

 

 

« منسیزله میشم »

بیر گؤیرچین کیمی دَنسیزله میشم

بولبولم یایدا چمنسیزله میشم

***

اَسکی دن شانلی- شرفلی ائل ایدیم

ظالیمه قارشی آمانسیز سئل ایدیم

ذیروه سی چنلی - دومانلی بئل ایدیم

ایندی مدت دی کی چنسیزله میشم

منده اَردملی اَره نلر یاشامیش

«ستار»ا «بابک»ه تنلر یاشامیش

او قده ر ائلجه بیلن لر یاشامیش

ایندی من اَرسیز اَره نسیزله میشم

دردیمین یوخ آدی - عنوانی دئسم

حئیره ته دالدیرار انسانی دئسم

باشقا بیر سؤزله بو معنانی دئسم

اؤز دیاریمدا وطنسیزله میشم

درد منی یاندیریر آمما اودو یوخ

اودور آغزیمدا حیاتین دادی یوخ

دئییرم دردلر ایچینده آدی یوخ

دئییرم من:بئله منسیزله میشم!

آی منیم منلیییم ایمدادیما یئت!

بیرجه گل منله قووش دادیما یئت!

منی باس باغرینا فریادیما یئت!

بیلمیسن کی نئجه سنسیزله میشم

« کریم مشروطه چی »( سؤنمز )

اضافه کردن نظر


کد امنیتی
تازه سازی

آمار بازدیدکنندگان سایت

844956
امروز
دیروز
هفته جاری
هفته گذشته
ماه جاری
ماه گذشته
بازدید کل
108
1328
108
839297
18856
23360
844956

آی‌پی شما: 54.156.67.164
امروز: یکشنبه، 02 مهر 1396 - ساعت: 04:07:48

تبلیغات (2)

تالار گفتمان آذر فروم

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

پیوندها

درباره ما

وبسایت رسمی اسکو باخیش از سال 92 به نقد و بررسی در زمینه مطالب فرهنگی ، هنری ، تاریخ و ادبیات شروع به فعالیت کرده است.

مهدی عارفی (ایشیق) :

محقق - نویسنده - شاعر

سخنان بزرگان

امام على سلام الله علیه :
مَنْ حَسُنَتْ خَليقَتُهُ طابَتْ عِشْرَتُهُ؛

هر كس خوش اخلاق باشد، زندگى‏اش پاكيزه و گوارا مى‏گردد.