یاشادیب

  « یاشادیب یاشادار »

سیزلایان کؤنلومون هر بیر تئلینده

یوکسه‌لیر کؤیلره هاراییم منیم

هاراییمدا قوپور آغیر فیرتینا

تیتر‌ه ییب داغیلیر ساراییم منیم

 

اولور غم ییغناغی سئوگی بولاغیم

غملر ایچره سئوگیم داشلانیر سولور

گولوشه تامارزی قالیر دوداغیم

نیسگیللی اور‌ه ییم قان - یاشلا دولور

 

یالان سارماشیغی گؤوده‌می ساریب

توتوب خیدد‌ک‌له‌ییب سارادیر منی

تونقالا دؤنه‌ننده بو ایرنج سؤزلر

یاندیریب کول ائدیب قارادیر منی

 

اسیر ائدنده غم اور‌ه ک اؤلکه‌سین

گنجیلیک شنلی‌یی کؤکوندن قاریر

کدر توزو اسیب ایتنده اومود

اوندا غم داراغی ساچیمی داریر

 

اور‌ه ییم توتولوب شاخسا شیمشه‌یی

ایرماق - ایرماق آخسا گؤزومون یاشی

یاشادیب - یاشادار یئنه ده منی

بو اؤلکه‌نین سویو، تورپاغی - داشی

                                شعر: رامین دریایی اسکویی

Add comment


Security code
Refresh