اوسکو منیم گؤزوم قالیب

اوسکو منیم گؤزوم قالیب

شعر: اصغر فلکی اسکوئی « آرخا »

چشمه چایلی داغلاریندا
اوسکو منیم گؤزوم قالیب
شیرین بارلی باغلاریندا
اوسکو منیم گؤزوم قالیب
***
عشّئییرده قورو چایدا
خان قیزینا وئرن پایدا
بادام‌ایلن دولو تایدا
اوسکو منیم گؤزوم قالیب
***
اَوَر‌ه‌نین اَته‌یینده
اسبوس سبد پته‌یینده
سؤیود زیرنا توته‌یینده
اوسکو منیم گؤزوم قالیب
***
داش قاپیلی باغچالاردا
گولابدانلی تاخچالاردا
مئریشقالی بوخچالاردا
اوسکو منیم گؤزوم قالیب
***
بؤیوک چیلله خونچاسیندا
اوستونده کی خالچاسیندا
قارپیزیندا آلچاسیندا
اوسکو منیم گؤزوم قالیب
***
قوشا باویل آراسیندا
مهاجیرین ساراییندا
گؤزللرین قاراسیندا
اوسکو منیم گؤزوم قالیب
***


دیزه بایرام باغلاریندا
قیررا قوهوم تاغلاریندا
کووشنین یاز چاغلاریندا
اوسکو منیم گؤزوم قالیب
***
کندواندا قازما دامدا
آیاق آچما آدلی شامدا
سوفرده کی گوموش جامدا
اوسکو منیم گؤزوم قالیب
***
یاپما تندیر چؤره‌یینده
ساری یاغ بال تره‌یینده
آسما اوزوم دیره‌یینده
اوسکو منیم گؤزوم قالیب
***
آنام ائدن دیلک‌لرده
بیلرزیکلی بیلک‌لرده
توت‌لا دولو الک‌لرده
اوسکو منیم گؤزوم قالیب

 

باققادیدا قاراداشدا
کلاقه‌ای اؤرتن باشدا
اوزو گیرده چاتما قاشدا
اوسکو منیم گؤزوم قالیب
***
دبباغلارین گؤل باشیندا
گوول اوستو قاخ داشیندا
فاطما ننه ائل آشیندا
اوسکو منیم گؤزوم قالیب
***
خلقه‌وانین دره‌سینده
قویونلارین بره‌سینده
ساخسی نئهره کره‌سینده
اوسکو منیم گؤزوم قالیب
***
چاتما چارشاب اؤرتن‌لرده
انلیک چیرشان سورتن‌لرده
حیا ائدیب پؤرتن‌ارده
اوسکو منیم گؤزوم قالیب
***
خسراق کمال قاناسیندا
اوزوم درن سوناسیندا
طایفانین بیر داناسیندا
اوسکو منیم گؤزوم قالیب
***
کلجاهین داغ یولوندا
قیزیل گولون توم کولوندا
بولبول قونان باش قولوندا
اوسکو منیم گؤزوم قالیب
***


ایسفنجانین تویلاریندا
آشیق گؤتور قویلاریندا
تویلاریندا بویلاریندا
اوسکو منیم گؤزوم قالیب
***
قوغورمالیق قویونلاردا
زینقیروولو بویونلاردا
کلله ووردو اویونلاردا
اوسکو منیم گؤزوم قالیب
***

لطفعلی شاه دورماغیندا
قیزیل میدال وورماغیندا
ائل شنلیگی قورماغیندا
اوسکو منیم گؤزوم قالیب
***
« آرخا » عمّه نوه‌سینده
ساخسی فیشقا دَوسینده
آغ قوتازلی جیوه‌سینده
اوسکو منیم گؤزوم قالیب
***

36 بند شعردن، 20 بند نمونه وئریلدی

اضافه کردن نظر


کد امنیتی
تازه سازی

آمار بازدیدکنندگان سایت

846320
امروز
دیروز
هفته جاری
هفته گذشته
ماه جاری
ماه گذشته
بازدید کل
355
795
1472
839297
20220
23360
846320

آی‌پی شما: 54.156.58.187
امروز: سه شنبه، 04 مهر 1396 - ساعت: 23:07:20

تبلیغات (2)

تالار گفتمان آذر فروم

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

اینجا محل تبلیغ متنی شماست

پیوندها

درباره ما

وبسایت رسمی اسکو باخیش از سال 92 به نقد و بررسی در زمینه مطالب فرهنگی ، هنری ، تاریخ و ادبیات شروع به فعالیت کرده است.

مهدی عارفی (ایشیق) :

محقق - نویسنده - شاعر

سخنان بزرگان

امام على سلام الله علیه :
مَنْ حَسُنَتْ خَليقَتُهُ طابَتْ عِشْرَتُهُ؛

هر كس خوش اخلاق باشد، زندگى‏اش پاكيزه و گوارا مى‏گردد.